ტრენინიგის მე-4 დღე

    გავეცანი პროექტის სტანდარტს, მიზნებს, 21-ე საუკუნის უნარები და მიმართულების მიმცემი საკვანძო  კითხვები შევუსაბამე პროექტს. შევქმენი ბლოგი. გავეცანი როგორ ეხმარება მოსწავლეებს ზოგადი, თემატური და შინაარსობლივი კითხვები მაღალი სააზროვნო უნარების განვითარებას. კითხვების ფორმულირება ხელს შეუწყობს მოსწავლეთა აქტიურ ჩართულობას პროექტში.

ტრენინგის  მე-5 დღე - რეფლექსია

     ტრენინგი დაიწყო წინა დღის თემის გამეორებით.გავიხსენეთ მიმართულების მიმცემი საკვანძო კითხვები. გავეცანით ტრენინგის თემას : ბლოგებზე გვერდების შექმნა, ფერის, ფონისა და შრიფტის შეცვლა, შეფასება.

      ჩვენს პორტფოლიოში გავხსენით საქაღალდე საავტორო უფლებები, გავხსენით ვორდის დოკუმენტი სათაურით ,,გამოყენებული ლიტერატურა’’ და მასში მოვათავსეთ ინტერნეტის საიტები, რომელსაც პროექტისთვის გამოვიყენებთ. სახელმძღვანელოში, რესურსებში  გავხსენით და გავეცანით საავტორო  უფლებების ქაოსს, რომელიც შევინახეთ ჩვენს პორტფოლიოში, რესურსებში, იმისათვის რომ სახლში კარგად გავცნობოდით. განვიხილეთ წინარე ცოდნის შეფასება-განმავითარებელი და განმსაღვრელი. გავეცანით განმავითარებელი შეფასების  სტრატეგიებს, რომლებსაც მიმდინარეობის პროცესში გამოვიყენებთ. ესენია:

1)      მოსწავლეთა წინარე ცოდნისა და საჭიროებების დადგენა;

2)      თვითრეგულირებისა და წახალისების სტრატეგია;

3)      პროგრესის მონიტორინგი;

4)      მეტაშემეცნების სტრატეგია;

5)      გაგებისა და ხარისხის სტრატეგია.

განვიხილეთ წინარე ცოდნის სტრატეგია, რომელსაც გამოვიყენებთ პროექტზე მუშაობის დაწყებამდე.  სახელმძღვანელოში, შეფასების სხვადასხვა მეთოდის განხილვაში  ვნახეთ ერთ-ერთი მეთოდი და გავეცანით მის დაწვრილებით

ახსნას. მეთოდი: რა ვიცი/რა მინდა რომ ვიცოდე/რა ვისწავლე.

ტრენინგის  მე-6  დღე - რეფლექსია

     ტრენინგი დაიწყო წინა დღის თემის გამეორებით. გავეცანით დღევანდელი ტრენინგის  თემებს:

1)      პროექტის პრეზენტაცია;

2)      მოსწავლის სავარაუდო ნაშრომი;

3)      ბლოგზე ინფორმაციის ატვირთვა.

სახელმძღვანელოში, მოდული 3. კავშირებში, დამატებით რესურსებში გავეცანით ,,მიმართულების მიმცემ საკვანძო კითხვებს“:ზოგადი, თემატური და შინაარსობრივი.

1)      ზოგადი შეკითხვები ავითარებს კრიტიკულ აზროვნებას.

2)      თემატური შეკითხვები  ხელს უწყობს სასწავლო მიზნებს.

3)      შინაარსობრივი შეკითხვები  ამოწმებს ფაქტობრივ ცოდნას.

    ჩემი მიმართულების მიმცემი საკვანძო შეკითხვები მოითხოვს მოსწავლეებისგან, გამოიყენონ ინფორმაცია შინაარსობრივი შეკითხვებიდან, რათა დეტალურად უპასუხონ თემატურ შეკითხვებს, შემოქმედებითად და კრიტიკულად იფიქრონ მთავარ შეკითხვაზე.

1)    მიმართულების მიმცემი  საკვანძო კითხვების რუბრიკა

   გამოვიყენეთ ქვემოთ მოცემული რუბრიკა მიმართულების მიმცემი საკვანძო შეკითხვების შექმნისა და ცვლილებისას, ერთი თემის განვითარების პროცესში. შავაფასეთ ჩვენი თემის მიხედვით დასმული კითხვები.

      სახელმძღვანელოში, იმავე მოდულში გავხსენით პორტფოლიოს  შეფასების

რუბრიკა და შევაფასეთ ჩვენი პორტფოლიო.

1.      სასწავლო პროცედურების დაგეგმვისას ვითვალისწინებთ სტანდარტებსა და მიზნებს.

2.      სასწავლო პროცედურების დაგეგმვისას ვითვალისწინებთ 21-ე საუკუნის უნარ-ჩვევებს.

3.      სასწავლო პროცედურების დაგეგმვისას ვითვალისწინებთ მიმართულების მიმცემ საკვანძო შეკითხვებს.

4.      სასწავლო პროცედურების დაგეგმვისას ვიყენებთ მრავალფეროვან პროდუქტებს.

5.      სასწავლო პროცედურების დაგეგმვისას ვითვალისწინებთ განსხვავებებს მოსწავლეთა შესაძლებლობებში.

6.      ტექნოლოგიების გამოყენება ხელს უწყობს შინაარსის ათვისებას.

7.      ტექნოლოგიების გამოყენება ხელს უწყობს 21-ე საუკუნის უნარ-ჩვევების ათვისებას.

7.      ტექნოლოგიების ინტეგრირება უზრუნველყოფს მოსწავლეთა და კლასის საჭიროებების დაკმაყოფილებას.

8.      შეფასების სტრატეგიები ეფუძნება სტანდარტებს და მიზნებს.

9.      შეფასების სტრატეგიები მოსწავლეზეა ორიენტირებული.

10.  შეფასების სტრატეგიები მრავალფეროვანი და მიმდინარეა.

     განვიხილეთ რა არის საჭირო პროექტზემუშაობის დაწყებამდე.

·         პროექტის თემის შერჩევა.

·         სტანდარტების დადგენა.

·         მიზნების შემუშავება.

21-ე საუკუნის უნარ - ჩვევებიდან  შევარჩიეთ 3 უნარი,რომელიც მოვარგეთ ჩვენს პროექტს. ჩამოვაყალიბეთ მიმართულების საკვანძო კითხვები. განვიხილეთ ერთ-ერთი მასწავლებლის კითხვები.

 დავალება სახლში-გავეცნოთ ლობიოს დიდი  რბოლის გეგმას. 

 

მოსწავლეთა წინარე ცოდნისა და საჭიროებების შეფასების სტრატეგიებიდან ამოვირჩიოთ ერთ-ერთი მეთოდი და შევუსაბამოთ მას მიმართულების მიმცემი საკვანძო კითხვები.
 ამ  სტრატეგიებს  ახსნამდე გამოიყენებთ, რომ განსაზღვროთ მოსწავლის გამოცდილება, უნარები, დამოკიდებულება და არასწორი წარმოდგენები. ეს სტრატეგიები დაგვეხმარება მოსწავლეების სასწავლო საჭიროებების შესაფასებლად და დაეხმარებათ მათ, რომ დაუკავშირონ უკვე არსებული ცოდნა შესასწავლ საკითხს.

 

ტრენინგის  მე-7 დღე - რეფლექსია

  ტრენინგი დაიწყო წინა დღის თემის გამეორებით. გავიხსენეთ მოსწავლის სავარაუდო ნაშრომის შექმნა. ვისაუბრეთ რატომ შევქმენით ჩვენ თვითონ პროდუქტი. განვიხილეთ მოსწავლის როლიდან შექმნილი სავარაუდო ნაშრომები.

  ყველა მასწავლებელმა წარმოადგინა თავისი ნაშრომი და მოისმინა   პროექტის გასაუმჯობლად გასათვალისწინებელი უკუკავშირი, სხვა მასწავლებლების კომენტარები და პროექტის გასათვალისწინებელი რჩევები.

       შეფასების რუბრიკაში  გავიხსენეთ განმავითარებელი და განმსაზღვრელი შეფასების სტრატეგიები, რომლებსაც მიმდინარეობის პროცესში გამოვიყენებთ. ესენია:

1)      მოსწავლეთა წინარე ცოდნისა და საჭიროებების დადგენა;

2)      თვითრეგულირებისა და წახალისების სტრატეგია;

3)      პროგრესის მონიტორინგი;

4)      მეტაშემეცნების სტრატეგია;

5)      გაგებისა და ხარისხის სტრატეგია.

   შევედით სახელმძღვანელოდან შინაარსში,მოდული 5, მოსწავლეთა პროექტების შეფასება,აქტივობა1.შეფასების სტრატეგიების განხილვა. ნაბიჯი:2

შეფასების გეგმების გაცნობა.

1.      გავხსენით საგანმანათლებლო რესურსი პროექტების შეფასება, განვიხილეთ შეფასების ყველა სტრატეგია. ამ სტატეგიებიდან ამოვირჩიეთ ჩვენი პროექტისათვის საჭირო შეფასების მეთოდები, გამოყენების დრო და შეფასების საშუალება/ინსტრუმენტი. პროექტისათვის ამორჩეული მეთოდები შევიტანეთ ჩვენს პორტფოლიოში, სასწავლო პროექტის გეგმაში-შეფასების გეგმაში.

შეფასების სტრატეგიები

Ø მოსწავლეთა წინარე ცოდნისა და საჭიროებების შეფასების სტრატეგიები
ამ სტრატეგიებს ახსნამდე გამოვიყენებ, რომ განსაზღვრო მოსწავლის გამოცდილება, უნარები, დამოკიდებულება და არასწორი წარმოდგენები. ეს სტრატეგიები დამეხმარება მოსწავლეების სასწავლო საჭიროებების შესაფასებლად და დავეხმარები  მათ, რომ დაუკავშირონ უკვე არსებული ცოდნა შესასწავლ საკითხს.

Ø  წახალისების, თვითრეგულირებადი სწავლისა და თანამშრომლობის უნარის შესაფასებელი სტრატეგიები  

 ამ სტრატეგიებს გამოვიყენებ მოსწავლეთა უნარების შესაფასებლად, გავიგებ
 თუ რამდენად დამოუკიდებლად ართმევენ თავს საკითხის შესწავლას, გამოხატავენ თუ არა ინტერპერსონალურ უნარებს, რამდენად ხარისხიანად ასრულებენ სამუშოს, რამდენად კარგად აღიქვამენ უკუკავშირს და აფასებენ თანაკლასელის სამუშაოს.

Ø  პროგრესის მონიტორინგის სტრატეგიები 
გამოიყენეთ ეს სტრატეგია, რომ დაეხმაროთ მოსწავლეებს პროექტის შესრულებაში. მოსწავლე უფრო კარგად მართავს საკუთარ სამუშაოს, თუ ამოცანის შესრულების პროცესში ამგვარი შეფასების მეთოდებისა და საშუალებების გამოყენება ხდება. ეს სტრატეგიები ასევე დაგეხმარებათ განსაზღვროთ, თუ სად და როდის სჭირდებათ მოსწავლეებს დამატებითი დახმარება ან ახსნა. ამ სტრატეგიების უმრავლესობა მოიცავს დროის მიხედვით სწავლის პროცესის დოკუმენტირებას.

Ø  სტრატეგიები გაგების შემოწმებისა და მეტაშემეცნების წახალისებისათვის  

ამ სტრატეგიებს გამოვიყენებ  მოსწავლის გაგებისა და პროექტის განხორციელებისას წინსვლის შესამოწმებლად. მოსწავლეები  ამ სტრატეგიებს  გამოიყენებენ საკუთარ სწავლის უნარზე დასაფიქრებლად.

Ø  გაგებისა და უნარების დემონსტრირების სტრატეგიები  
ამ სტრატეგიებს გამოვიყენებ  პროექტის დასრულებისას მოსწავლეების გაგებისა და უნარების შესამოწმებლად. ამ კატეგორიაში წარმოდგენილია ორი განსხვავებული ტიპის სტრატეგია:

• პროდუქტი და შესრულება;
• პორტფოლიო და მოსწავლეთა კონფერენცია.

პროდუქტი მოსწავლის ნამუშევარია, რომელიც მან შექმნა. კონფერენცია კი გულისხმობს მათ მიერ მათი პორტფოლიოების და ნამუშევრების გაზიარებას, მათი ინტერესების, სწავლისა და მიზნების განხილვას.

სახელმძღვანელოში  გავეცანით  http://tpdc.ge/essentials/rubrics/ პრეზენტაციებს.